Home > Navigation > General > The Period > Specimen

The Effect of the Norman Conquest
The Chronicle of Robert of Gloucester

þus com lo engelond in to normandies hond
& þe normans ne couþe speke þo bote hor owe speche
& speke french as hii dude atom
& hor children dude also teche
So þat heieman of þis lond þat of hor blod come
Holde alle þulke speche þat hii of hom nome
Vor bote a man conne frenss me tel of him lute
Ac lowe men holdeþ to engliss & to hor owe speche yute
Ich wene þer ne beþ in al þe world contreyes none
þat ne holde to hor owe speche bote engelond one.

Henry V Defeats the French
The Agincourt Carol (1415)

Deo gratias, Anglia
Redde pro victoria

Owre kynge went forth to Normandy
With grace and myght of chyualry;
Ther God for him wrought mervelusly;
Wherfore Englode may calle and cry
'Deo gratias'.
He sette a sege, the sothe for to say,
To Harflu tovne with ryal aray;
That towne he wan and made a fray
That Fraunce shal rywe tyl domesday:
Deo gratias.