Home > Navigation > Text Groups > Tales > Beast Tales > Fables > Specimen

Robert Henryson The Morall Fabillis
The Taill of the Wolf and the Wedder

Qwhylum thair wes, as Esope can report,
Ane sheipheird duelland be ane forrest neir,
Quhilk had ane hound that did him grit comfort;
Full war he wes to walk his fauld but weir,
That nouther wolff, nor wildcat durst appeir,
Nor foxe on feild nor yit no uther beist -
Bot he thame slew or chaissit at the leist.

Sa happinnit it - as euerilk beist man de -
This hound of suddand sikness to be deid;
Bot than, God wait, the keipar off the fe
For verray wo woxe wanner nor the weid:
'Allace,' quod he, 'now se I na remeid
To saif the selie beistis that I keip,
For with the wolff weryit beis all my scheip!'

William Caxton Fables of Esope
The Dog, the Wulf, and the Wether

Grete folye is to a fool that hath no myght that wylle begyle another stronger than hymself, as reherseth this fable of a fader of famylle, whiche had a grete herd or flock of sheep, and a grete dogge forto kepe them, which was wel stronge, and of his voys all the wolves were aferd, wherfore the sheepherd slepte more surely. But it happed that this dogge for his grete age deyde, wherfore the sheepherdes were sore troubled and wrothe, and sayd one to other, 'We shall nomore slepe at oure ease bycause that our dogge is dede, for the wulves shall now come and ete our sheep.' And then a grete wether fyers and prowd, whiche herd alle these wordes came to them, and sayd, ' I shall gyve yow good counceylle. Shave me, and put on me the skynne of the dogge ...